UTATA JUU YA UMRI WA MISS TANZANIA 2014 SITTI MTEMVU, NA HATIMA KAMILI KUHUSU UMRI WAKE HALISI

 
Lino International ambao ni waandaji wa shindano la Miss Tanzania 2014 wakishirikiana na Redds wamekutana leo jijini Dar es salaam na waandishi wa habari ili kuzungumza nao kuhusu skendo ya umri halisi wa Miss Tanzania 2014, Sitti Mtemvu.

Baada ya skendo kukua juu ya Miss Tanzania 2014 Sitti Mtemvu kuhusiana na umri wake baada ya kujitangaza kwa kusema anaumri wa miaka 18 wakati vitambulisho vikionyesha anamiaka 26  na picha mbali mbali kuzagaa katika mitandao ya kijamii hasa Instagram hali iliyozua utata kwa wapenzi wa Mashindano hayo ya walimbwende, ambapo kwa mujibu wa taarifa kamili ni kuwa Skendo hii haiwahusu mshindi wa pili Lilian Kamazima na watatu Jihhan Dimachk. ambapo mpaka sasaTaarifa zilizosamba kwenye mitandao ya kijamii Tanzania ni kwamba Sitti hakuwa mkweli na umri wake baada ya kusema anamiaka 18 huku vitambulisho vikionyesha anamiaka 26.

Hata hivyo Mkurugenzi wa Lino International Agency Hashim lundenga amesema tuhuma za kuwa miss Tanzania  kuwa anamtoto sio za kweli na kufafanua zaidi kuwa  hairuhusiwi kwa mshindani wa Miss Tanzania kuwa na Mtoto ambapo pia Hashim ameonyesha vyeti halisi vya kuzaliwa vya Sitti abavyo vimeonyesha amezaliwa 31,May,1991.

 

 Aidha Kamati ya Miss Tanzania imesema kuwa haiwezi kumvua taji Miss Tanzania 2014 Sitti Mtemvu kwa kuwa ni Miss halali na mwenye vigezo vyote vilivyotakiwa, na imewataka watu kutoropoka kuwa hawajui vigezo vinavyotakiwa ambapo kwa ufafanuzi kuhusu suala la umri, Lundenga amesema kuwa cheti halali walichonacho wao ni kile kinachoonesha Sitti Mtemvu kazaliwa 31 mei 1991 na si vinginevyo.

Kuhusu suala la passport na leseni zilizosambaa kwenye mitandao ya jamii zikionesha amezaliwa mwaka 1989, Lundenga amesema wao huwa hawangaali vitu hivyo wanachojali ni cheti cha kuzaliwa.
Na juu ya madai ya Rushwa Hashimu Lundenga amesema hakuna suala la yeye kupewa rushwa, ila Sitti Mtemvu ameshinda kihalali kwa kupitishwa na Majaji.
Kuhusu tuhuma za unene pia amesema wao huwa hawaangalii wembamba wala ufupi, muhimu ni awe na vigezo vinavyotakiwa.